سلجوق التون ترکی کے معروف اورعالمی شہرت یافتہ ادیب ہیں ۔ ان کےناول انسانی جذبات، حیرت اور تجسس کا پہلو لیے ہوئے ہوتے ہیں ۔ ان کے پاس قاری کی توجہ کھینچنے کی غیر معمولی صلاحیت ہے ۔جمہوری پبلیکیشنز کو یہ اعزاز حاصل ہے کہ انھوں نے اردوادب میں ترکی کے اس نامور ادیب کو متعارف کروایا ۔ اس سے پہلےجمہوری پبلیکیشنز نےسلجوق التون کے دو ناول، ’’بازنطینی سلطان ‘‘اور ’’بہت سال پہلے‘‘ شائع کر چکا ہے ۔ ’’گیت جو ماں نے نہ سنائے ‘‘بظاہر کسی ناول کا انوکھا اور چونکا دینے والا عنوان ہے ۔ اس کے یکے بعد دیگرے آنے والے ابواب دو مرکزی کرداروں سے منسوب ہیں ۔ ان میں سے ایک پیشہ ور قاتل ہے جب کہ دوسرا ایک متمول شخص لیکن کمزور شخصیت کا مالک ہے ۔ دونوں سچی محبت سے محروم ہیں ۔ برق رفتاری سے پیش آنے والے واقعات انھیں خون کی گہری لکیر کے آر پار کھڑا کرکے آپس میں ملا دیتے ہیں ۔ یہ وہ مرحلہ ہے جب مصنف غیر محسوس انداز میں قاری کی توجہ زندگی کے انوکھے پن کی طرف مبذول کرتا ہے ۔





Reviews
There are no reviews yet.